لیسکو کارروائیوں میں 5ارب روپے سے زائد کی ریکوری

لاہور (کرائمز پوائنٹ ڈاٹ کام ) چیف ایگزیکٹو لیسکو انجینئر محمد رمضان بٹ کی ہدایت پر ڈسکو سپورٹ یونٹ کی نادہندگان سے ریکوری جاری، اب تک کی کارروائیوں میں 5ارب روپے سے زائد کی ریکوری کرلی گئی ۔ ترجمان لیسکو کے مطابق نادرن سرکل میں 19ہزار549نادہندگان سے70کروڑ سے زائدوصول کرلیے گئے ،ایسٹرن سرکل میں 19ہزار144نادہندگان سے98کروڑ سے زائد کی ریکوری کی گئی، سینٹرل سرکل میں 21ہزار667نا دہندگان سے85کروڑ سے زائدوصول کرلیے گئے ، ساتھ سرکل میں 11ہزار708نادہندگان سے36کروڑ سے زائد کی ریکوری کی گئی، ننکانہ سرکل میں 15ہزار28نادہندگان سے35کروڑ سے زائد وصول کرلیے گئے ۔ اس کے ساتھ شیخوپورہ سرکل میں 19ہزار690نادہندگان سے70کروڑ سے زائد کی ریکوری کی گئی، اوکاڑہ سرکل میں 24ہزار121 نادہندگان سے32کروڑ سے زائد وصول کرلیے گئے ، قصور سرکل میں 28ہزار156 نا دہندگان سے 72کروڑسے زائد کی ریکوری کی گئی۔