میاں شہباز شریف زراعت کے لیے بڑی اصلاحات لا رہے ہیں : چوہدری ارشد گجر

لاہور / رائےونڈ (آئی این پی )رہنما مسلم لیگ ن ” چوہدری محمد ارشد گجر نمبردار "نے کہا ہے کہ زراعت ملکی معیشت کی ریڑھ کی ہڈی کی حیثیت رکھتی ہے وزیر اعظم میاں شہباز شریف بڑی اصطلاحات کے لیے کوشاں ہیں جس سے زرعی شعبے میں پائیدار اصلاحات سے ملکی معیشت کو مزید فروغ ملے گا، زرعی شعبے میں اصلاحات سے فی ایکڑ پیداوار میں خاطر خواہ اضافہ ہو گا اور پیداواری لاگت میں کمی آئے گی، زراعت کی ترقی کے لئے آئندہ بجٹ میں کھاد اور زرعی ادویات پر ٹیکس نہیں لگایا جا رہا۔فارم میکنائزیشن کی ترویج کے لئے زرعی مشینری اور آلات پر ٹیکس بتدریج کم کیا جائے، زرعی اجناس کی سٹوریج کی صلاحیت بڑھانے کے حوالے سے اقدامات تیز کئے جائیں۔