39افراد کے پاس 198شیر اور چیتے ہونے کا انکشاف

لاہور (آئی این پی) وائلڈ لائف کی کارروائیوں کے دوران لاہور ریجن میں 39افراد کے پاس 198شیر اور چیتے ہونے کا انکشاف ہوا ہے۔ڈپٹی چیف وائلڈ لائف رینجرز لاہور کے مطابق پنجاب وائلڈلائف نے بگ کیٹس رکھنے والوں کے خلاف کارروائیاں کیں۔ اس دوران لاہور ریجن میں بگ کیٹس ڈکلیئر کرنے والوں کا سروے مکمل کرلیا گیا۔سروے کے مطابق لاہورریجن میں 39افراد نے 198بگ کیٹس (شیر،ٹائیگر) ڈکلیئر کیے تھے۔ ڈپٹی چیف وائلڈ لائف رینجرز عدنان ورک کے مطابق غیرقانونی طور پررکھی گئیں 15بگ کیٹس قبضے میں لے لی گئی ہیں اوربگ کیٹس ڈکلیئر کرنے والے تمام افراد کو نوٹس جاری کر دیئے گئے ہیں۔حکام نے بگ کیٹس رکھنے والے افراد کو ایس او پیز پر عمل درآمد کی ہدایت دیتے ہوئے کہا ہے کہ سہولیات بہتربنانے کے لیے 2ماہ کا وقت دیا گیا ہے۔