کھتی چیک پوسٹ پر حملہ ناکام، پولیس جوان شہید

ڈیرہ اسماعیل خان (کرائمز پوائنٹ ڈاٹ کام )نامعلوم دہشت گردوں کا تھانہ ڈیرہ ٹائون کی کھتی چیک پوسٹ پر حملہ،چیک پوسٹ میں موجود پولیس جوانوں کا حملے کا جوانمردی سے مقابلہ ،دہشت گردوں کے حملے کو ناکام بنادیا،حملے میں انچارج چیک پوسٹ احمد نواز دہشتگردوں سے بہادری سے مقابلہ کرتے ہوئے شہید ہوگئے، شہید کا نماز جنازہ پولیس لائنز ڈیرہ میں سرکاری اعزاز کے ساتھ ادا کر دیا گیا تفصیلات کے مطابق نامعلوم دہشت گردوں نے تھانہ ڈیرہ ٹائون کی کھتی چیک پوسٹ پر حملہ کیا۔چیک پوسٹ میں موجود پولیس جوانوں نے حملے کا جوانمردی سے مقابلہ کرتے ہوئے دہشت گردوں کے حملے کو ناکام بنایا،حملے میں انچارج چیک پوسٹ احمد نواز دہشتگردوں سے بہادری سے مقابلہ کرتے ہوئے شہادت کے رتبے پر فائز ہوئے اور دہشتگردوں کے ناپاک عزائم کو خاک میں ملایا۔شہید کا نماز جنازہ اعجاز شہید پولیس لائنز ڈیرہ اسماعیل خان میں سرکاری اعزاز کیساتھ ادا کر دیا گیا۔نماز جنازہ میں ریجنل پولیس آفیسرڈیرہ سیداشفاق انور،اسٹیشن کمانڈر ڈیرہ محمد ابوبکر ،ڈی پی او ڈیرہ سجاداحمدصاحبزادہ ،ایس پیز سی ٹی ڈی، انویسٹی گیشن، سٹی،صدر ودیگر پولیس افسران سمیت شہید کے لواحقین نے شرکت کی۔شہید کو پولیس کے چاق وچوبند دستے نے سلامی دی، شرکا نے شہید کے جسد خاکی پر پھول چڑھائے اور ان کے بلند درجات کیلئے دعاء کی۔