ارٹی اے اور جڑانوالہ ٹریفک پولیس کی مبینہ غفلت سے عوام پریشان

مکوآنہ(نامہ نگار ) تحصیل جڑانوالہ میں ویگن اور اے سی بس آپریٹرز نے سرکاری کرائوں کے برخلاف من مانی فیس وصولنا شروع کر دی ہے، جس کے خلاف حکام کی خاموشی عوام میں شدید غم و غصے کا باعث بنی ہوئی ہے۔ محکمہ ٹرانسپورٹ کی جانب سے فیصل آباد روٹ کا سرکاری کرایہ 90 روپے مقرر کیا گیا ہے، لیکن ویگن مالکان 130 روپیجبکہ اے سی بسیں 200 روپے تک وصول کر رہی ہیں۔ اس کے باوجود آر ٹی اے سیکرٹری فیصل آباد اور ٹریفک وارڈنز کی عدم کارروائی پر سوالات اٹھ رہے ہیں ۔ سرکاری کرائے اور ال اصل وصولی میں فرق سرکاری نرخ: 90 روپے (فیصل آباد روٹ)۔ وصولی جانے والا کرایہ: ویگنز:130 روپے(40 روپے اضافی)۔ اے سی بسیں: 200 روپے(110 روپے اضافی) ٹرانسپورٹرز پٹرولیم مصنوعات کی مہنگائی کو بہانہ بنا رہے ہیں، حالانکہ بیشتر گاڑیوں میں سی این جی سلنڈر نصب ہیں ۔ آر ٹی اے کے افسران اور ٹریفک وارڈنز گاڑیوں کی چیکنگ نہیں کر رہے، جس کی وجہ سے ڈرائیور مسافروں سے کرایہ نامہ طلب کرنے پر ہتک آمیز رویہ اپنا رہے ہیں ۔جڑانوالہ ٹان، جو فیصل آباد کی سب سے بڑی تحصیل ہے اور جس کی آبادی17 لاکھ سے زائد ہے، میں یہ مسئلہ روزانہ ہزاروں مسافروں کو متاثر کر رہا ہے ۔مقامی مسافر شکایت کرتے ہیں ٹرانسپورٹرز حکومتی نرخوں کو یکسر نظر انداز کر رہے ہیں۔ ٹریفک پولیس موجود ہونے کے باوجود کوئی پوچھ گچھ نہیں ہوتی ایک طالب علم کا کہنا تھا: روزانہ 40 روپے اضافی کی وصولی میرے لیے 1,200 روپے ماہانہ کا بوجھ ہے، جو غریب گھرانوں کے لیے ناقابل برداشت ہے پنجاب ٹرانسپورٹ رولز 2020 کی خلاف ورزی ہے، جس میں سرکاری کرائوں سے زیادہ وصولی پر 10,000 روپے جرمانہ یا گاڑی ضبط کی سزا دی جا سکتی ہے۔