پنجاب کا مستقبل محفوظ نظر آ رہا ہے:وزیراعلیٰ مریم نواز شریف

لاہور(آئی این پی)وزیراعلیٰ مریم نوازشریف نے پولیس ٹریننگ کالج چوہنگ میں پنجاب کاﺅنٹر نارکوٹکس فورس کی کمیشننگ تقریب میں خصوصی شرکت کی۔ وزیراعلیٰ مریم نواز شریف نے منشیات کے خاتمے کے لئے پنجاب کاﺅنٹر نارکوٹکس فورس لانچ کر دی ۔ وزیر اعلیٰ مریم نواز شریف کو سی این ایف نے جنرل سلامی پیش کی۔ وزیر اعلیٰ مریم نواز شریف کی موجودگی میں کاﺅنٹر نارکوٹکس فورس کے افسروں اور جوانوں نے حلف اٹھایا۔ وزیراعلیٰ مریم نواز شریف نے کاﺅنٹر نارکوٹکس ٹریننگ میں بہترین پرفارمنس پر افسروں اور جوانوں میں انعامات تقسیم کئے۔ وزیر اعلیٰ مریم نواز شریف نے اے این ایف کے پرچم کو پنجاب کاونٹر نارکوٹکس فورس کے سپرد کیا۔ وزیراعلیٰ مریم نوازشریف نے کاﺅنٹر نارکوٹکس فورس کے جوانوں سے ملاقات کی ۔ وزیراعلیٰ مریم نواز شریف نے آلات، ٹیکنالوجی اور گاڑیوں کامعائنہ کیا اور پنجاب کاونٹر نارکوٹکس فورس کے قیام پر اطمینان کا اظہار کیا۔ وزیر اعلیٰ مریم نواز شریف کو ڈی جی سی این ایف برگیڈیر مظہر اقبال نے فورس کے بارے میں تفصیلی بریفنگ میں بتایا کہ پنجاب کاﺅنٹر نارکوٹکس فورس کے لیے پہلے فیز میں866 آسامیوں پر بھرتیاں کی گئی ہیں۔ پنجاب کاﺅنٹر نارکوٹکس فورس کو تمام ڈویژن میں فنکشنل کر دیا گیا۔ پہلے مرحلے میں پنجاب کی ہر ڈویژن میں سی این ایف کے سٹیشنز اور ریجنل ڈائریکٹوریٹس قائم ہوچکے ہیں۔ دوسرے مرحلے میں سی این ایف کا دائرہ کار ضلعی سطح تک بڑھایا جائے گا۔ سی این ایف کے افسران اور جوانوں کو اے این ایف اکیڈمی راولپنڈی میں 12 ہفتوں کی پروفیشنل تربیت دی گئی۔ بریفنگ میں مزید بتایا گیا کہ کاﺅنٹر نارکوٹکس فورس کو جدید ہتھیار اور آپریشنل گاڑیاں فراہم کی گئی ہیں۔کاﺅنٹر نارکوٹکس فورس کے ڈی جی این سی کے دفتر کے لئے چار منزلہ عمارت فراہم کی گئی۔ پنجاب کاﺅنٹر نارکوٹکس فورس کے قیام کے لئے 2.33 ارب روپے مختص کیے گئے۔ کاﺅنٹر نارکوٹکس فورس پنجاب کی جیلوں اور تعلیمی اداروں میں منشیات کے خاتمے کے لئے کام کرے گی۔ وزیراعلیٰ مریم نواز شریف نے کہا کہ سی این ایف کی صورت میں پنجاب کا مستقبل محفوظ نظر آ رہا ہے۔ پنجاب کی تمام ڈویژنز کی سی این ایف فورس کے دستوں نے ترانوں کی گونج میں مارچ پاسٹ کیا۔ وزیر اعلیٰ مریم نواز شریف نے سی این ایف لیڈیز سٹاف کا مارچ پاسٹ دیکھ کر مسرت کا اظہار کیا۔ تقریب میں سی این ایف بینڈ نے دل دل پاکستان ملی نغمہ پیش کیا۔ وزیر اعلیٰ مریم نواز شریف نے بینڈ کو انعامات سے نوازا۔ بعد ازاںوزیر اعلیٰ مریم نواز شریف نے سی این ایف افسروں اور جوانوں کے ساتھ گروپ تصاویر بھی بنوائیں۔