جولائی میں 647 بجلی چور گرفتار، 1081 مقدمات درج

لاہور(آئی این پی )لاہور پولیس کا بجلی چوروں کے خلاف کریک ڈاؤن کا سلسلہ جاری ہے۔ اس ضمن میں ماہ جولائی میں اب تک بجلی چوری میں ملوث 647ملزمان کوگرفتارکرکے 1081 مقدمات کااندراج کیا گیا۔یہ بات ترجمان لاہور پولیس نے جاری بیان میں کہی۔ سی سی پی او بلال صدیق کمیانہ نے کہا کہ لاہور پولیس بجلی چوروں کے خلاف متعلقہ محکموں کو بھر پور معاونت فراہم کر رہی ہے لیسکو کے اشتراک سے بجلی چوروں کیخلاف بلا امتیاز کارروائیاں جاری ہیں۔ بجلی چوری کے درج مقدمات میں مطلوب اشتہاریوں کی گرفتاریاں یقینی بنائی جائیں بجلی چوری کے مقدمات کے چالان مقررہ ٹائم فریم میں عدالتوں میں جمع کروائے جائیں ملکی وسائل کو نقصان پہنچانے والے عناصر کیخلاف زیرو ٹالرنس کارروائیاں جاری رکھی جائیں۔