لاہور پولیس کے 137کانسٹیبلز کو ہیڈ کانسٹیبل کے عہدے پر ترقی دے دی گئی

لاہور (آئی این پی) لاہور پولیس کے 137کانسٹیبلز کو ہیڈ کانسٹیبل کے عہدے پر ترقی دے دی گئی۔ ڈی آئی جی (ایڈمن)عمران کشور کی سربراہی میں پروموشن بورڈ کاانعقادہوا۔ پرموشن بورڈ میں ایس ایس پی(ڈسپلن)محمد کاشف اسلم اورایس پی(ہیڈ کوارٹرز)منزہ کرامت نے شرکت کی۔ لاہور پولیس کے مختلف ونگز کے (سی ون) کے123کانسٹیبلز اور (سی ٹو) کے14کانسٹیبلز کو ہیڈ کانسٹیبل کے عہدے پر ترقی دی گئی۔ترقی پانے والوں میں آپریشنز، انوسٹی گیشن اور سکیورٹی ڈویژن سمیت لاہور پولیس کے مختلف یونٹس کے ملازمین شامل ہیں۔ساجدعلی، عاصم علی، محمد عظیم، شان علی، بابر علی، فیصل بشیر، محسن سردار، وسیم عباس، رحمن گل ،کبیر احمد، عبداللہ،محمد منظور، محمد ایوب،ناظم علی، محمد امیر،لیاقت علی اور ممتاز علی کو ہیڈ کانسٹیبل کے عہدے پر ترقی دی گئی۔ سی سی پی او بلال صدیق کمیانہ نے پروموٹ ہونے والے پولیس ملازمین کو مبارک باد دی اور نیک خواہشات کا اظہارکیا۔ انہوں نے کہا کہ بروقت ترقی ہر ملازم کا بنیادی حق ہے، کارکردگی میں مزید بہتری اور نکھار پیدا ہوگا۔سی سی پی او لاہور نے کہا کہ ترقی پانے والے ملازمین اپنی ذمہ داریاں نئے جوش و جذبے اور محنت سے ادا کریں۔انہوں نے کہا کہ بہترکارکردگی کے حامل افسران و اہلکاروں کی حوصلہ افزائی کیلئے ہر سطح پر اقدامات جاری رہیں گے۔ بلال صدیق کمیانہ نے کہا کہ محنتی،ایماندار اور فرض شناس اہلکار محکمہ پولیس کا سرمایہ ہیں۔ڈی آئی جی (ایڈمن)عمران کشور نے کہا کہ ترقی پانے والے ملازمین پیشہ ورانہ امور کی انجام دہی میں بہترین پرفارمنس دکھائیں۔انہوں نے کہا کہ ترقی پانے والے پولیس ملازمین شہریوں کو بروقت انصاف کی فراہمی میں اپنا بھر پور کردار ادا کریں۔ڈی آئی جی (ایڈمن) نے کہا کہ نئے عہدوںکے چیلنجز سے نبرد آزما ہونے کیلئے پہلے سے زیادہ محنت اور فرض شناسی سے فرائض کی ادائیگی کو یقینی بنائیں۔عمران کشور نے کہا کہ پولیس افسران اور جوان مزید ترقی کیلئے محکمانہ کورسز باقاعدگی سے مکمل کریں۔ پروموٹ ہونے والے پولیس ملازمین نے اظہار ِتشکرکرتے ہوئے مزید بہتر کارکردگی دکھانے کے عزم کا اظہارکیا۔