اڑیالہ نہ پہنچنے والے ٹکٹ ہولڈر ،تنظیمی عہدیداروں کو نوٹس جاری

لاہور( آئی این پی)تحریک انصاف پنجاب کی چیف آرگنائزر عالیہ حمزہ نے بانی پی ٹی آئی کے کیسوں کی سماعتوں پر نہ پہنچنے والے ٹکٹ ہولڈر اور تنظیمی عہدیداروں کو نوٹس جاری کرتے ہوئے جواب طلب کر لیا۔نوٹس کے متن میں کہا گیا ہے کہ 19،20اور21اگست کو پارٹی کی ہدایت کے مطابق اڈیالہ جیل اور سپریم کورٹ میں بانی پی ٹی آئی کی ضمانتوں کی سماعت کے موقع پر ٹکٹ ہولڈرز اور تنظیمی عہدیداروں کو اپنی موجودگی یقینی بنانا تھی۔ افسوس کے ساتھ یہ نوٹ کیا گیا کہ متعدد ذمہ داران مقررہ ہدایات پر عمل نہیں کرسکے اور اپنی حاضری نہیں دی۔ اس سلسلے میں تمام متعلقہ افراد کو ہدایت کی جاتی ہے کہ وہ اپنی غیر حاضری کی تحریری وضاحت 24 گھنٹے کے اندر اندر چیف آرگنائزر آفس پاکستان تحریک انصاف پنجاب کو ارسال کریں۔اگر وضاحت تسلی بخش نہ ہوئی تو پارٹی ضابطہ اخلاق کے مطابق ان افراد کے خلاف سخت تنظیمی کارروائی عمل میں لائی جائے گی۔