پنجاب حکومت کا بڑا فیصلہ، پارلیمنٹیرینز کیلئے 400ٹیب خریدے جائینگے

لاہور (آئی این پی) پنجاب اسمبلی میں قانون سازی اب ٹچ سکرینوں پر ہوگی، پنجاب حکومت پارلیمنٹیرینز کے لئے 400ٹیب خریدے ی، محکمہ پارلیمانی امور 8 کروڑ مالیت سے400 ٹیب خریدے گا ۔ منصوبے میں اسمبلی ریسورس سنٹر، آن لائن تربیت ،ائے آئی چیٹ بوٹ شامل، منصوبے کی مجموعی لاگت پر30 کروڑ 73 لاکھ روپے کے اخراجات آئیں گے۔پروگرام کے تحت 42.6فیصدبجٹ صرف ہارڈویئر پر خرچ کیا جائے گا،اے آئی چیٹ بوٹ سےاراکین کوقانون سازی میں مدددی جائے گی ۔عوام کے لئے بھی اے آئی چیٹ بوٹ کے ذریعے قانون بارے معلومات میسرہہوں گی، پروگرام کے تحت سیاستدانوں ڈیجیٹل ٹریننگ اورآن لائن کورسز کروائے جائیں گے ۔سیکرٹری قانون اینڈ پارلیمانی امور آصف بلال لودھی نے کوئی موقف نہیں دیا۔