گاڑیوں اورموٹر سائیکلوں کی رجسٹریشن میں بڑا اضافہ

لاہور (آئی این پی) گزشتہ مالی سال کے دوران گاڑیاں اورموٹر سائیکلیں مہنگی ہونے کے باوجود رجسٹریشن میں بڑا اضافہ ہوا ہے۔گزشتہ مالی سال کے دوران سال2023-24کی نسبت گاڑیوں کی رجسٹریشن میں 30فیصدجبکہ موٹرسائیکلوں کی رجسٹریشن میں 20فیصد اضافہ ہوا جس کی مد میں ایکسائز نے خزانے کو10 ارب روپے اضافی جمع کروائے،گزشتہ مالی سال میں ساڑھے دس لاکھ موٹرسائیکلیں اور1لاکھ 49 ہزارگاڑیاں رجسٹرڈ ہوئیں جبکہ مالی سال2023-24میں ساڑھے 8لاکھ رجسٹرڈ ہوئی تھیں۔اعدادوشمارکے مطابق گزشتہ مالی سال میں92ہزارگاڑیاں رجسٹرڈ ہوئیں جبکہ مالی سال 2023-24میں ساڑھے68ہزاررجسٹرڈ ہوئی تھیں،گزشتہ مالی سال میں 47ہزار7سوکمرشل گاڑیاں رجسٹرڈ ہوئیں جبکہ 2023-24میںساڑھے39ہزار رگاڑیاں جسٹرڈ ہوئی تھیں۔اعدادوشمارکے مطابق گزشتہ مالی سال میں ساڑھے 29ارب جبکہ مالی سال 2023-24میں ساڑھے19ارب وصول کئے تھے۔ایکسائزحکام کے مطابق رواں مالی سال میں رجسٹریشن میں مزید اضافہ متوقع ہے اور 32سے 35ارب تک وصولیاں ہونے کاامکان ہے۔