لاہور پولیس کاون ویلرزاور کم عمر ڈرائیورز کے خلاف کریک ڈاؤن، 126 ون ویلرز گرفتار

لاہور (آئی این پی)لاہور پولیس کی جانب سے ون ویلرز اور کم عمر ڈرائیورز کے خلاف کریک ڈائون جاری ہے،ماہ جولائی میں ون ویلرز کے خلاف مختلف کارروائیوں میں 126 ون ویلرزکی گرفتاری عمل میں لا کر 126مقدمات کااندراج کیا گیا ہے۔ترجمان لاہورپولیس نے بتایا کہ رواں سال ون ویلرزکے خلاف کارروائیوں کے دوران 1187 ون ویلرزکو گرفتارکر کے شہر کے مختلف تھانوں میں 1067مقدمات کا اندراج کیا گیا ہے۔بلال صدیق کمیانہ کمیانہ نے کہا کہ ون ویلرز اور کم عمر ڈرائیورز کے خلاف کارروائیاں جاری ہیں۔انہوں نے کہا کہ ون ویلنگ اور ریسنگ پر قابو پانے کیلئے اہم شاہراؤں پر خصوصی ناکے لگائے گئے ہیں اور کم عمر ڈرائیورز، ون ویلرز اور ریسنگ کی روک تھام کیلئے ٹریفک پولیس، ڈولفن اسکواڈ اور پیرو کی خصوصی ٹیمیں تشکیل دی گئی ہیں۔سی سی پی او لاہور نے موٹر سائیکلوں کی آلٹریشن کرنے والے مکینیکس کے خلاف کارروائی کرنے کی ہدایات جاری کرتے ہوئے کہا کہ نوجوان ون ویلنگ،بائیکس کی آلٹریشن اور ہلڑ بازی سے اجتناب کریں۔انہوں نے کہا کہ کم عم بچوں کی ڈرائیونگ حادثے کا سبب بنتی ہے۔بلال صدیق کمیانہ نے کہا کہ والدین کم عمر بچوں کو ڈرائیونگ کی اجازت نہ دیں۔انہوں نے کہا کہ ذمہ دار سماجی رویوں کی ترغیب کیلئے اساتذہ اور سول سو سائٹی اپنا کردار ادا کرے۔سی سی پی او لاہور نے کہا کہ شہری قانون کے احترام کو اپنا شعار بنائیں، کسی بھی غیر قانونی سرگرمی سے گریز کریں۔انہوں نے شہریوں سے کہا کہ مستند ڈرائیونگ سکول سے ڈرائیونگ سیکھیں اور ٹریفک قوانین سے آگاہی حاصل کریں۔سی سی پی او لاہور نے کہا کہ ٹریفک قوانین کی پابندی مہذب قوموں کا شعار ہے۔انہوں نے مزید کہا کہ شہری کم عمر ڈرائیورز، ون ویلرز اور ریسنگ کی اطلاع 15 پر دیں۔