منشیات فروشوں کے گرد گھیر ا تنگ کرنا ناگزیر ہے،رضوان طارق

گوجرانوالہ (رانا عبدالغفار خاں )ایس ایس پی آپریشنز رضوان طارق نے ضلع بھر میں منشیات فروشوں کے خلاف سخت کاروائیاں کرنے کے احکامات جاری کر رکھے ہیں ۔انہی احکامات کے پیش نظرایس پی صدرشاہدنواز وڑائچ کی ہدایت پرڈی ایس پی کامونکی حافظ امتیاز کی زیرنگرانی ایس ایچ اوتھانہ ایمن آباد سب انسپکٹر بہرام فریدو دیگران پر مشتمل پولیس ٹیموں نے دوران گشت و ناکہ بندی اور تلاش بد رویہ گان اعلیٰ کارکردگی کا مظاہرہ کرتے ہوئے عمر منشیات فروش کو گرفتار کرکے ملزم کے قبضہ سےگیارہ کلو گرام چرس اور ایک کلو ایک سو گرام افیون برآمد کرلی ۔دوران تفتیش ملزم نے انکشاف کیا کہ وہ دوسرے اضلاع سے منشیات لاتا اورضلع بھر میں فروخت کرتا تھا ۔ملزم سے مزید تفتیش جاری ۔ سماجی و سیاسی تنظیموں اور علاقے کے مکینوں کا پولیس کو خراج تحسین۔ اس موقع پرایس ایس پی آپریشنز رضوان طارق نے کہا ہے کہ نوجوان نسل کے محفوظ مستقبل کیلئے منشیات فروشوں کے گرد گھیر ا تنگ کرنا ناگزیر ہے۔ایس ایس پی آپریشنز نے اعلیٰ کارکردگی کا مظاہر ہ کرنے پر ایس ایچ او تھانہ ایمن آباد اور انکی پولیس کی ٹیموں کو شاباش دی۔