پاکستانی میٹ کمپنی کو 3.24 ملین ڈالر مالیت کے برآمدی آرڈرز موصول

لاہور( آئی این پی)پاکستانی میٹ کمپنی کو 3.24 ملین ڈالر مالیت کے برآمدی آرڈرز موصول ہوئے ہیں۔یہ پیشرفت کمپنی نے پاکستان اسٹاک ایکسچینج کو جمع کروائے گئے ایک نوٹس میں ظاہر کی ہے۔میڈیا رپورٹ کے مطابق دی آرگینک میٹ کمپنی لمیٹڈ نے مزید بتایا کہ اس نے تاجکستان کی مخصوص درآمدی ضروریات اور ریگولیٹری معیارات کے مطابق تیار کردہ فریز شدہ بغیر ہڈی والے بیف کی پیداوار اور برآمدات کا آغاز کر دیا ہے۔ٹی او ایم سی ایل کو 2010 میں پاکستان میں ایک نجی کمپنی کے طور پر شامل کیا گیا تھا، اور یہ حلال گوشت اور اس سے متعلقہ مصنوعات کی پراسیسنگ اور فروخت کے شعبے میں سرگرم ہے۔ یہ سرخ گوشت اور گوشت کی ضمنی مصنوعات کی صفِ اول کی برآمدی کمپنیوں میں سے ایک ہے۔تاہم، کمپنی نے حالیہ برسوں میں پالتو جانوروں کی خوراک کے خام مال کو اپنی مصنوعات میں شامل کیا ہے، جس سے اسے امریکہ اور یورپ کی منڈیوں تک بھی رسائی حاصل ہوئی ہے۔