ہسپتالوں میں مریضوں کیلئے آسانیاں پیدا کرنے کیلئے کوشاں ہیں‘خواجہ سلمان رفیق

لاہور (آئی این پی)صوبائی وزیر صحت خواجہ سلمان رفیق نے علامہ اقبال میڈیکل کالج میں کیئر کونیکٹ پراجیکٹ کا افتتاح کیا۔اس حوالے سے تقریب کا انعقاد بھی کیا گیا۔اس موقع پر سابق وزیر صحت پروفیسر جاوید اکرم، پروفیسر محمود شوکت، پرنسپل علامہ اقبال میڈیکل کالج پروفیسر طیبہ وسیم، ایم ایس جناح ہسپتال ڈاکٹر سید محسن علی شاہ، پروفیسر اشرف ضیاء، پروفیسر خالد محمود، پروفیسر شاہد سرور اور طلباءو طالبات کی کثیر تعداد نے شرکت کی۔صوبائی وزیر نے تقریب کے اختتام پر پراجیکٹ کیلئے کاوش کرنے والے طلباءو طالبات میں یادگاری شیلڈز بھی تقسیم کیں۔وائس چانسلر یونیورسٹی آف ہیلتھ سائنسز پروفیسر احسن وحید راٹھور نے وڈیو لنک کے ذریعے تقریب میں شرکت کی۔صوبائی وزیر صحت خواجہ سلمان رفیق نے تقریب کے شرکاءسے اپنے خطاب میں کہاکہ وزیر اعلیٰ پنجاب مریم نواز شریف کے ویژن کے مطابق ہسپتالوں میں مریضوں کیلئے آسانیاں پیدا کرنے کیلئے کوشاں ہیں۔ہسپتالوں میں پیشنٹ کیئر ہماری اولین ترجیح ہے۔کردار اور دیانت سے کام کرنے والے انسان کو ہر قدم پر کامیابی حاصل ہوتی ہے۔ صوبائی وزیرصحت خواجہ سلمان رفیق نے مریضوں کی آسانی کیلئے انڈر گریجویٹ پروگرام لانے پر پرنسپل پروفیسر طیبہ وسیم کی کاوش کو سراہا۔سابق وزیر صحت پروفیسر جاوید اکرم نے تقریب کے شرکاءسے خطاب کرتے ہوئے کہاکہ کام کرنے والے انسان مشکلات سے کبھی نہیں گھبراتے۔ہسپتالوں میں مریضوں کی دعاو¿ں کا کوئی نعم البدل نہیں ہے۔ علامہ اقبال میڈیکل کالج نے کیئر کونیکٹ کا انتہائی بہترین پراجیکٹ لانچ کیا ہے۔پروفیسر محمود شوکت نے تقریب کے شرکاءسے خطاب کرتے ہوئے کہاکہ کیئر کونیکٹ ایک عمدہ پراجیکٹ ہے۔ پرنسپل علامہ اقبال میڈیکل کالج پروفیسر طیبہ وسیم نے تقریب کے شرکاءسے خطاب کرتے ہوئے کہاکہ ایک ڈاکٹر کا اچھا رویہ ہی مریض کی آدھی بیماری دور کر دیتا ہے۔مریضوں کے بہترین علاج کو یقینی بنانے کیلئے کیئر کونیکٹ پراجیکٹ لانچ کیا ہے۔