چوتھی کلاس کی طالبہ سے نازیبا حرکات ، پرنسپل گرفتار

لاہور (آئی این پی) ہنجروال پولیس نے چوتھی کلاس کی طالبہ سے نازیبا حرکات کرنے والے ملزم کو گرفتار کر لیا۔ایس پی ڈاکٹر محمد عمر کے مطابق نجی سکول کا پرنسپل ملزم غلام نبی 11 سالہ بچی سے نازیبا حرکات کرتا تھا، ملزم غلام نبی پچھلے 2ماہ سے 11سالہ بچی کے ساتھ نازیبا حرکات کر رہا تھا، ملزم بچی کو کسی سے اس بات کا ذکر کرنے پر سنگین نتائج کی دھمکیاں دیتا، ملزم کے خلاف بچی کی والدہ اقراءعمران کی مدعیت میں مقدمہ درج ہوا ، ملزم غلام نبی کو گرفتار کر کے انویسٹی گیشن ونگ کے حوالے کر دیا۔ایس پی ڈاکٹر محمد عمر نے ہنجروال پولیس کو بروقت کاروائی پر شاباش دیتے ہوئے کہا کہ بچوں کو حراساں اور نازیبا حرکات کرنے والے افراد کسی رعایت کے مستحق نہیں۔