جعلی پولیس والوں کی اغواءبرائے تاوان کی کوشش ناکام، رنگے ہاتھوں گرفتار

لاہور (آئی این پی) جعلی پولیس والوں کی اغواءبرائے تاوان کی کوشش ناکام، اصل پولیس نے رنگے ہاتھوں پکڑ لیے۔ ڈولفن سکواڈ نے بروقت کارروائی کرتے ہوئے اغوا برائے تاوان کی کوشش ناکام بنا دی۔ ندیم شہید چوک کے قریب مشکوک گاڑی کو روک کر مغوی کو بازیاب کرا لیا گیا۔مغوی عرب جان کو جعلی پولیس اہلکار ہتھکڑی لگا کر پشاور لے جا رہے تھے، ملزمان نے خود کو پولیس اہلکار ظاہر کرکے فیکٹری سے مغوی کو اغواءکیا، ڈولفن ٹیم 206کی مہارت سے مشکوک گاڑی AS-223کو روکا گیا، گاڑی میں موجود چار اغواءکاروں کو گرفتارجبکہ مغوی کو بحفاظت بازیاب کر لیا گیا۔ ملزمان کا تعلق خیبر ایجنسی کے مختلف علاقوں سے ہے۔ گرفتار اغواءکاروں میں شفیع اللہ، طلا جان، اسرار خان اور زیدان شامل ہیں۔ گرفتار ملزمان کو کارروائی کے لیے تھانہ ساتھ کینٹ کے حوالے کر دیا گیا۔