لاہور ،مزدے کی ٹکر سے ایک شخص ہلاک ، ڈرائیور گرفتار

لاہور (آئی این پی )نصیر آباد کے علاقے میں مزدے کی ٹکر سے ایک شخص ہلاک ہو گیا ۔ پولیس کے مطابق شاہ دین پارک فتح گڑھ کا رہائشی منیر کسی ضروری کام سے نصیر آباد کلمہ چوک آیا تھا ، سڑک کراس کرتے ہوئے تیز رفتار مزدے نے کچل دیا ،اسے تشویشناک حالت میں ہسپتال لے جایا گیا جہاں پر وہ زخموں کی تاب نہ لاتے ہوئے دم توڑ گیا ۔ پولیس نے لاش کو تحویل میں لے کر مردہ خانے جمع کروا دی ۔بعد ازاں نصیر آباد پولیس نے کارروائی کرتے ہوئے مزدہ ڈرائیور کو گرفتار کر لیا ۔ایس پی ماڈل ٹاﺅن اخلاق اللہ تارڑ نے کہا کہ عوام الناس سے التماس ہے ٹریفک قوانین کی مکمل پابندی کریں۔