مون سون کا 7واں اسپیل، لاہور میں بارش سے موسم خوشگوار

لاہور (آئی این پی)لاہور سمیت پنجاب کے بیشتر شہروں میں مون سون کے ساتویں سپیل نے انٹری دے دی۔صوبائی دارالحکومت لاہور شہر کے بیشترعلاقوں میں بارش کا سلسلہ جاری رہا ، لکشمی چوک، گڑھی شاہو، ریلوے سٹیشن، مال روڈ، جیل روڈ، فیروز پور روڈ، اچھرہ، کلمہ چوک، لبرٹی، بھاٹی گیٹ، بادامی میں ہلکی بارش سے موسم خوشگوار ہوگیا۔محکمہ موسمیات کے مطابق وقفے وقفے سے کبھی ہلکی اور کبھی تیز بارش متوقع ہے، ساتواں سپیل آج ( جمعہ ) تک جاری رہنے کا امکان ہے۔موسم کا احوال بتانے والوں کے مطابق لاہور میں کم سے کم درجہ حرارت 27ڈگری سینٹی گریڈ ریکارڈ کیا گیا ۔بارش کے دوران نکاسی آب کے لیے ضلع انتظامیہ، واسا اور ایل ڈبلیو ایم سی فیلڈ میں موجود رہے ۔21اگست کے دوران اسلام آباد، کشمیر، بالائی پنجاب، خیبر پختونخوا اور گلگت بلتستان میں تیز ہواﺅں اور گرج چمک کے ساتھ بارش اور کہیں کہیں موسلادھار بارش کا بھی امکان ہے۔