جذبہ حب الوطنی سے یوم آزادی پاکستان منایا گیا

لاہور (آئی این پی)لاہور آرٹس کونسل الحمراءکے زیر اہتمام پاکستان کا 78واں یوم آزادی ملی جوش وخروش اور جذبہ حب الوطنی سے منایاگیا۔دن کا آغاز ملکی ترقی و خوشحالی کی دعا کی گئی۔چیئرمین لاہور آرٹس کونسل الحمراءرضی احمد نے پرچم کشائی ،بینڈ پرفارمنس دیکھی،تقریب میں عوام کی بڑی تعداد نے شرکت کی ،پاکستان زندہ آباد کے نعرے لگائے گئے، معرکہ حق کے شہداءکو سلامی پیش کی گئی۔چیئرمین الحمراءرضی احمد نے ہال نمبر ایک میں منعقدہ تقریب سے اپنے خطاب میں کہا کہ ہمارے بزرگوں نے سب کچھ قربان کرکے ہمیں آزادی جیسی نعمت سے نوازا ،اس منزل کے حصول کے لئے کسی قربانی سے دریغ نہ کیا گیا،الحمراءاپنے وطن عزیز کی عظمت کو دُنیا کے چپے چپے تک پھیلا رہا ہے،حکومت پنجاب خصوصی محکمہ انفار میشن اینڈ کلچر ¾ الحمراءکی ترقی کے لئے ٹھوس اقدامات اٹھا رہی ہے،الحمراءکی ٹیم بھرپور عزم کے ساتھ اپنی خدمات بہترین انداز میں سرانجام دے رہی ہے۔اس موقع پر ڈپٹی ڈائریکٹر ایڈمن عمیر حسن ،ڈپٹی ڈائریکٹر محمد عارف و دیگر افسران و ملازمین نے شرکت کی۔آزادی واک میں عوام کی بڑی تعداد نے بڑھ چڑھ کر شرکت کی اور اپنے ملک وقوم کے لئے خودکو وقف کرنے کے عزم کا اعادہ کیا۔ نمائش ”پاکستان ہمیشہ زندہ آباد“ کا افتتاح کیا گیا،آرٹسٹوں نے اپنے فن کے ذریعے تحریک آزادی کے قائدین کو ٹربیویٹ پیش کیا۔