معیاری بیج کسانوں کو انکی دہلیز پر میسر ہو گا‘ ایم ڈی

لاہور (آئی این پی) پنجاب سیڈ کارپوریشن کے منیجنگ ڈائریکٹرشبیر احمد خان نے خانیوال اور ساہیوال میں پنجاب سیڈ کارپوریشن سیڈ فارمز کے ساتھ ساتھ سیڈ پروسیسنگ پلانٹس کا تفصیلی دورہ کیا۔دورے کے دوران منیجنگ ڈائریکٹر نے کھڑی فصلوں کا معائنہ کیا اور فارم کے مجموعی آپریشنز کا جائزہ لیا۔ انہوں نے فصل کی نشوونما اور صحت کی مسلسل، چوکس نگرانی کو یقینی بنانے کے لیے فیلڈ مانیٹرنگ ٹیموں کی تشکیل کے لیے سخت ہدایات جاری کیں۔ انہوں نے سمجھوتہ کیے بغیر مشاورتی ایس او پیز کے نفاذ پر زور دیا اور کہا کہ اس بات کو یقینی بنائیں کہ تمام زرعی اور پروسیسنگ کے طریقے معیار اور پیداواری صلاحیت کے اعلی ترین معیارات پر پورا اترتے ہوں۔ منیجنگ ڈائریکٹر نے دورے کے دوران دیکھی گئی بعض آپریشنل لیپس کا سنجیدگی سے جائزہ لیا اور متعلقہ ٹیموں کو ہدایت کی کہ وہ بغیر کسی تاخیر کے خامیوں کو دور کریں۔ انہوں نے اس بات پر زور دیا کہ کسانوں کو اعلی معیار کے تصدیق شدہ بیج کی فراہمی پنجاب سیڈ کارپوریشن کی اولین ترجیحات ہیں۔ انہوں نے مزید کہا کہ زیادہ پیداوار کا حامل معیاری بیج کسانوں کو ان کی دہلیز پر میسر ہو گا۔