جیلوں میں خطرناک قیدیوں کی وی وی آئی ملاقاتوں پرپابندی عائد

لاہور (آئی این پی) جیلوں میں خطرناک قیدیوں کی وی وی آئی ملاقاتوں پرپابندی عائد کر دی گئی ۔ آئی جی جیل نے ایڈمن بلاک میں 4 کیٹگریز پر پابندی پر عملدرآمد کاحکم دیا ، جیل سپرنٹنڈنٹس سنگین جرائم میں ملوث ملزمان کی ملاقات ایڈمن بلاک میں نہیں کروائیں گے۔جیل حکام کے مطابق سزائے موت کے قیدیوں کی ایڈمن بلاک میں پہلے سے ہی ملاقات بندہے، چاروں کیٹگریز میں صرف اسیران کے خونی رشتہ داروں یا وکیل کی ملاقات کروائی جائے گی ۔تمام کیٹگریز کے قیدیوں کی ملاقات ہفتہ میں 1 بار کی بجائے 2 دفعہ سسٹم میں یقینی بنائی جائے،قیدیوں کوسپلائی کرنے کے بعد والا کھانا کچن سے فوری ضائع کیا جائے، قیدیوں کے ورثاءکی جانب سے لائے گئے کھانے و سامانز کے لئے 3سلپس کاٹی جائیں۔مراسلہ کے مطابق ایک سلپ ملاقات کی، دوسری قیدی کے لئے اور تیسری سلپ جیل کے ریکارڈ کے لئے رکھی جائے،آئی جی جیل کی جانب سے عملدر آمد کے لئے مراسلہ تمام جیلوں میں بھجوا دیا گیا۔