واٹر فلٹریشن پلانٹ کے حوالے سے 30جون 2026ءکی ڈیڈ لائن دےدی

لاہور (آئی این پی)وزیراعلیٰ پنجاب مریم نوازشریف کی زیر صدارت خصوصی اجلاس منعقد ہوا جس میں صاف پانی، واٹر فلٹریشن پلانٹ اور دیگر ترقیاتی امور کا جائزہ لیا گیا۔ وزیراعلیٰ مریم نوازشریف کواجلاس میں مثالی گا¶ں پراجیکٹ کے بارے میں تفصیلی بریفنگ پیش کی گئی ۔ اجلاس میں لاہور ڈویلپمنٹ پراجیکٹ اور پنجاب ڈویلپمنٹ پراجیکٹ پر پیشرفت کا جائزہ لیا گیا۔ اس موقع پر دور دراز علاقوں کے لئے واٹر پمپ لگانے کی تجویز کا بھی جائزہ لیا گیا۔ وزیراعلیٰ مریم نوازشریف نے واٹر فلٹریشن پلانٹ کے حوالے سے 30جون 2026ءکی ڈیڈ لائن دے دی ہے۔ وزیراعلیٰ مریم نوازشریف نے لاہور ڈویلپمنٹ پراجیکٹ میں سٹریٹس کی تعمیر و مرمت جلد مکمل کرنے پر زور دیا ہے اور بعض پراجیکٹ کی تکمیل بروقت نہ ہونے پر نا پسندیدگی کا اظہار کیا ہے۔ وزیراعلیٰ مریم نوازشریف نے پنجاب کے ہر شہر میں بیوٹیفکیشن کے 122منصوبوں کا بھی جائزہ لیا ۔ لاہور ڈویژن میں 51،راولپنڈی میں 64، فیصل آبادمیں 37، ملتان میں بیوٹیفکیشن کے 75منصوبے مکمل کئے جائیں گے۔ سرگودھا45، گوجرانوالہ 64،ڈی جی خان 51،بہاولپور 61، گجرات 53 اور ساہیوال میں 49منصوبے مکمل کئے جائیں گے۔ وزیراعلیٰ مریم نواز شریف نے بیوٹیفکیشن کے تمام منصوبوں کی بروقت تکمیل یقینی بنانے کی ہدایت کی۔ وزیراعلیٰ مریم نواز شریف نے کہا کہ پینے کے پانی کی عدم دستیابی کی عوامی شکایات کا ازالہ کیا جائے گا۔ واٹر فلٹریشن پلانٹ کی تعمیر و مرمت اور بحالی کے لئے باقاعدہ سسٹم وضع کیا جائے ۔ ترقیاتی منصوبوں کی ٹائم لائن اور تعمیراتی معیار کو مد نظر رکھنابے حد ضروری ہے۔