عاشق نے معشوق کے بچوں کو گولیاں کھلا دیں ایک جاں بحق

لاہور(آئی این پی)لاہورکے علاقے سبزہ زار میں خاتون کے دوست نے اس کے تین بچوں کو نشہ آور گولیاں کھلادیں جس کے نتیجے میں ایک بچہ جاں بحق ہوگیا۔ پولیس کے مطابق نشہ آور گولیاں کھانے سے 11 سال کا ایان جاں بحق اور اس کے 2 بہن بھائیوں کی طبیعت شدید خراب ہوگئی۔ ایس پی اقبال ٹا¶ن ڈاکٹر عمر کا کہنا ہے کہ تینوں بچوں کی والدہ کے مبینہ دوست نے انھیں مارنےکی کوشش کی، ریحان نامی ملزم کو گرفتار کر لیا گیا ہے جس نے ابتدائی تفتیش میں بچوں کو نشہ آور گولیاں کھلانےکا اعتراف بھی کر لیا ہے۔ڈاکٹر عمر نے بتایا کہ 2 روز قبل بچوں کی والدہ صبح جب ملازمت پر گئیں تو ملزم ریحان اس کی عدم موجودگی میں گھر میں گھس آیا، اُس نے تینوں بچوں کو زیادہ مقدار میں نشہ آور گولیاں کھلا دیں، ماموں اور نانی نے بچوں کو اسپتال منتقل کیا لیکن 11 سالہ ایان جانبر نہ ہو سکا۔ ملزم نے ابتدائی تفتیش میں بچوں کونشہ آور گولیاں کھلانے کا اعتراف بھی کیا ہے اور ملزم کے قبضے سے نشہ آور گولیاں برآمد کرکے مقدمہ درج کر لیا گیا ہے۔ڈاکٹر عمر نے مزید بتایاکہ بچوں کے والد صدیق 8 سال قبل وفات پا گئے تھے جبکہ بچوں کی والدہ کے ڈھائی سال سے ریحان کے ساتھ مبینہ تعلقات تھے۔