روڈا کی کارروائی ، کمرشل فیس ادا نہ کرنے پر کاروباری مراکز سیل

لاہور (نامہ نگار ) راوی شہر میں نادہندگان کے خلاف آپریشن کے دوران متعدد کاروباری مراکز سیل کر دیئے گئے ۔ ڈپٹی ڈائریکٹرز وقار احمد، عمرشاہ کی زیرقیادت آپریشن میں میڈیا ٹیم، پولیس ہمرا ہ تھی،سگیاں میں کمرشل فیس کی عدم ادائیگی پر عاصم، عتیق الرحمان رانا، الرحمان کانٹا سربمہرکیا گیا ، روڈا انتظامیہ کی کارروائی میں نادہندہ حاجی عبد الغفار،اختر اینڈ یاسین ٹریڈرز بھی بند ہوگیا ۔ روڈا حکام کا کہنا ہے کہ تاجر اپنی اقساط جلد جمع کروائیں،دکانیں فوری ڈی سیل کردیں گے۔