سرکاری دوروں کے دوران تحائف ،گلدستےپیش کرنے پر پابندی عائد

لاہور( آئی این پی)سیکرٹری سکولز ایجوکیشن نے سکولوں کے سرکاری دوروں کے دوران گلدستے اور تحائف پیش کرنے پر پابندی عائد کردی۔محکمہ تعلیم کی جانب سے تمام اضلاع کے سی ای اوز کوباضابطہ مراسلہ جاری کردیا گیا۔سیکرٹری سکولزایجوکیشن نے تحائف کے اخراجات کو طلبہ کی فلاح و بہبود کیلئے خرچ کرنے کی ہدایت کی ہے ۔سیکرٹری سکولز ایجوکیشن نے سی ای اوز کو ہدایت کی ہے کہ سادگی اپنائی جائے، سرکاری دوروں پر گلدستے، تحائف پیش نہ کئے جائیں، تمام ایجوکیشن افسران نمائشی کلچرکی حوصلہ شکنی کریں، محکمہ سکولز ایجوکیشن کے کسی بھی افسر کے دورہ پر گلدستے پیش نہ کیے جائیں۔