رائےونڈ : چائلڈ لیبر کا بڑھتا ہوا رجحان باعث تشویش بن کر رہ گیا

لاہور / رائےونڈ (آئی این پی )رائےونڈ و گردو نواح میں چائلڈ لیبر کا برھتا ہوا رجحان باعث تشویش بن کرر ہ گیا اور پابندی کے باوجود کم عمر بچوں سے سر عام ورکشاپوں، کارخانوں، ہوٹلوں وغیرہ میں بہت کم اجرت پر مزدوری کروائی جا رہی ہے، جو چائلڈ لیبر قوانین کی کھلم کھلا خلاف ورزی ہے، چھوٹی بڑی ورکشاپوں، کارخانوں، بھٹو ں ، ہوٹلوں سمیت پٹرول پمپس وغیرہ پر کم عمر بچے کام کرتے دکھائی دیتے ہیں۔مالکان کے مطابق انہیں کم عمر بچوں کی لیبر سستی پڑتی ہے، کم عمر بچے غربت سے تنگ روزی کمانے کے لئے 5ہزار روپے سے15ہزار روپے تک ماہانہ تنخواہ لیتے ہیں، کم عمر بچے چھوٹے بڑے سب کام کر دیتے ہیں اور بیمار بھی کم پڑتے ہیں، جبکہ ڈاکٹروں کے بقول فیکٹریوں اور ورکشاپوں میں کام کرنے والے بچے بڑے حفاظتی اقدامات نہ ہونے کی وجہ سے ٹی بی، سانس اور آنکھوں کی متعدد بیماریوں میں مبتلا ہو رہے ہیں،پوری دنیا میں چائلڈ لیبر پر سخت پابندی ہے، مگر ہمارے ہاں مستقبل کے ان معماروں کو تعلیم و تربیت کی بجائے کم عمر میں ہی روزگار کمانے پر مجبور کر دیا جاتا ہے۔