لاہور،بچیوں کو ہراساں کرنے والا رکشہ ڈرائیور رنگے ہاتھوں گرفتار

لاہور (آئی این پی) گڑھی شاہو پولیس نے 15کال پر بروقت کارروائی کر کے بچیوں کو حراساں کرنے والے رکشہ ڈرائیور کو گرفتار کرلیا ۔ترجمان پولیس کے مطابق رکشہ ڈرائیور 8سالہ حرا اور 7 سالہ آیت کے ساتھ محلے میں نازیبہ حرکات کرتے ہوئے رنگے ہاتھوں پکڑا گیا، ملزم رکشہ ڈرائیور فرخ شہزاد روزانہ گلی میں آکر بچیوں کو گندے اشارے کرتا اور اپنے پاس بلاتا تھا، ملزم نے 8سالہ حرا کا ہاتھ پکڑ کر رکشے میں بیٹھانے کی کوشش کی جس پر بچیوں نے شور مچا دیا۔محلے داروں نے رکشہ ڈرائیور کو نازیبا حرکات کرتے دیکھ کر فوراً قابو میں کر لیا۔ اس حوالے سے ایس پی سِول لائنز چوہدری اثر علی نے کہا کہ ملزم کے خلاف بچیوں کے والدین کی مدعیت میں مقدمہ درج کر لیا گیا ہے ، بچیوں کو حراساں کرنے والے ملزمان بالکل قابل برداشت نہیں۔