شجاع آباد (اظہر تاج قریشی)چیف ٹریفک آفیسر ملتان محمد کاشف اسلم کی ہدایت پر سٹی ٹریفک پولیس ملتان کی جانب سے ٹریفک آفس پولیس لائن میں ٹریفک ہیلپ والنٹئیرز کیلئے تربیتی سیشن کا انعقاد کیا گیا۔
تفصیلات کے مطابق
تعلیمی اداروں کے سیکیورٹی گارڈز پر مشتمل یہ ہیلپ والنٹئیرز اپنے اپنے تعلیمی اداروں کے باہر ٹریفک کی بہتر مینجمنٹ کے لیے ٹریفک پولیس کے ہمراہ ڈیوٹی سرانجام دیں گے۔ دو روزہ تربیتی سیشن کے پہلے دن تصور حسین انسپکٹر نے ٹریفک ریگولیشن کے دوران استعمال ہونے والے ٹریفک اشاروں کی تربیت دی۔ انچارج ٹریفک ایجوکیشن یونٹ سہیل احمد انسپکٹر نے آفیسرز کالونی و دیگر تعلیمی اداروں کے لیے جاری ٹریفک پلان کے بارے بریفنگ دی اور پلان کے مطابق رانگ پارکنگ و ٹریفک کے بہائو میں پیدا ہونے والی دیگر رکاوٹوں کو دور کرنے کا عملی نمونہ پیش کیا۔ ہیلپ والنٹئیرز کو روڈ سیفٹی قوانین کی اہمیت بارے لیکچرز بھی دیے گئے۔
