39گرڈاور 356متاثرہ فیڈرز میں سے152کو مکمل، 202عارضی بحال

لاہور(نامہ نگار )پاور ڈویژن نے سیلاب سے متاثرہ علاقوں میں بجلی کی بحالی کی پیشرفت پر رپورٹ جاری کردی۔پاور ڈویژن کے مطابق مجموعی طور پر 39 گرڈ اور356متاثرہ فیڈرز میں سے152کومکمل، 202عارضی بحال کر دیا گیا،فیصل آباد الیکٹرک کے 17گرڈ اور 53متاثرہ فیڈرز عارضی طور پر بحال کردیاگیا،ملتان الیکٹرک کے زیر انتظام علاقوں میں 67فیڈرز متاثر ہوئے، پانی اترتے ہی متاثرہ فیڈرز کی بحالی کا عمل فوری شروع ہو جائے گا۔پاورڈویژن کے مطابق شمالی وزیرستان کے 2متاثرہ فیڈرز عارضی طور پر بحال،مکمل بحالی 5ستمبر تک متوقع ہے،ڈسکوز کی فیلڈ ٹیمیں دن رات بحالی کے کام میں مصروف ہیں،متاثرہ علاقوں میں بجلی کی فراہمی جلد از جلد مکمل بحال کی جائے گی۔