عبدالرشید بھٹی کی حاجی حنیف خاں مرحوم کی وفات پر ان کے خاندان سے اظہار تعزیت

لاہور (بیورو رپورٹ) عوامی لیڈر اور صوبائی اسمبلی کے رکن احمر رشید بھٹی (ایم پی اے حلقہ پی پی 165) اور بابا عبدالرشید بھٹی سابقہ ایم پی اے نے آج قصور کے نواحی علاقے فتح پور کا دورہ کیا جہاں انہوں نے وفاقی وزیر مملکت ملک رشید احمد خاں کے بھائی، رکن صوبائی اسمبلی ملک احمد سعید خاں کے والد محترم اور سپیکر پنجاب اسمبلی ملک محمد احمد خاں کے ماموں، معزز شخصیت حاجی حنیف خاں مرحوم کی وفات پر ان کے خاندان سے اظہار تعزیت کرتے ہوئے فاتحہ خوانی کی اور مرحوم کے بلند درجات اور مغفرت کے لیے خصوصی دعا بھی کی، اس موقع پر علاقہ بھر کی سیاسی و سماجی شخصیات کی بڑی تعداد بھی موجود تھی جنہوں نے حاجی حنیف خاں مرحوم کی عوام دوستی، شرافت اور خدمات کو خراج عقیدت پیش کیا، احمر رشید بھٹی نے اس موقع پر کہا کہ حاجی حنیف خاں مرحوم ایک درویش صفت اور نیک سیرت شخصیت تھے جنہوں نے اپنی زندگی عوامی خدمت اور علاقے کی فلاح و بہبود کے لیے وقف کر رکھی تھی اور ان کی کمی کبھی پوری نہیں ہوسکے گی، انہوں نے کہا کہ ملک احمد سعید خاں اور ملک محمد احمد خاں سمیت تمام اہلِ خانہ کے غم میں وہ اور ان کے ساتھی برابر کے شریک ہیں اور دعاگو ہیں کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبر جمیل دے، بابا عبدالرشید بھٹی نے بھی اپنے خیالات کا اظہار کرتے ہوئے کہا کہ حاجی حنیف خاں کی زندگی ایک مثال ہے، وہ نہ صرف اپنے خاندان بلکہ علاقے کے ہر فرد کے لیے رہنمائی اور ہمدردی کا مینار تھے، انہوں نے ہمیشہ سیاسی اختلافات سے بالاتر ہوکر عوام کی خدمت کو ترجیح دی، جس کا نتیجہ یہ ہے کہ آج ان کے انتقال پر پورا علاقہ سوگوار ہے اور ہر آنکھ اشکبار ہے، قصور فتح پور کی فضا آج انتہائی رنجیدہ ہے اور عوام کی بڑی تعداد ان کی رہائش گاہ پر جمع ہوکر تعزیت اور فاتحہ خوانی کر رہی ہے، عوامی سطح پر یہ رائے پائی جاتی ہے کہ حاجی حنیف خاں جیسی شخصیات صدیوں میں پیدا ہوتی ہیں، ان کی شخصیت کا ہر پہلو عوام کے لیے رہنمائی اور روشنی کا ذریعہ تھا، وہ ہمیشہ کمزور اور بے سہارا افراد کے ساتھ کھڑے رہے، ان کی رہائش گاہ ہر خاص و عام کے لیے کھلی رہتی تھی اور وہ اپنے قول و فعل سے ہمیشہ خدمتِ خلق کا عملی ثبوت دیتے تھے، یہی وجہ ہے کہ آج ان کی جدائی ہر فرد محسوس کر رہا ہے، احمر رشید بھٹی نے اس موقع پر صحافیوں سے گفتگو کرتے ہوئے کہا کہ ملک احمد سعید خاں اور ملک محمد احمد خاں کی قیادت بھی اسی عوامی خدمت اور قربانی کے ورثے کو آگے بڑھا رہی ہے اور ان شاء اللہ ہم سب مل کر اس خدمت کے سفر کو جاری رکھیں گے، انہوں نے کہا کہ سیاست کا مقصد ذاتی مفاد نہیں بلکہ عوام کی خدمت ہے اور یہی درس حاجی حنیف خاں مرحوم نے اپنے خاندان اور ساتھیوں کو دیا، آج ان کی جدائی ہمارے لیے بڑا صدمہ ہے لیکن ان کی یادیں اور خدمات ہمیشہ دلوں میں زندہ رہیں گی، بابا عبدالرشید بھٹی نے مزید کہا کہ ہم سب کو چاہیے کہ مرحوم کے مشن کو زندہ رکھیں اور عوامی خدمت کے لیے ان کی تقلید کریں، اس موقع پر علاقہ کے معززین نے بھی مشترکہ طور پر کہا کہ حاجی حنیف خاں نے جو خدمت کا بیج بویا ہے وہ ہمیشہ پھلتا پھولتا رہے گا اور آنے والی نسلوں کو روشنی دیتا رہے گا، تعزیتی اجتماع کے اختتام پر مرحوم کی روح کے ایصالِ ثواب کے لیے اجتماعی دعا کی گئی جس میں پاکستان کی سلامتی، ترقی اور خوشحالی کے لیے بھی خصوصی دعائیں مانگی گئیں۔