خواجہ سلمان رفیق کا ملتان میں ہیڈ محمد والا بریچننگ پوائنٹ اور فلڈ ریلیف کیمپس کا دورہ

لاہور (آئی این پی) صوبائی وزیر صحت و چیئرمین کابینہ کمیٹی برائے ڈیزاسٹر مینجمنٹ خواجہ سلمان رفیق نے ملتان گئے جہاں انہوں ہیڈ محمد والا بریچننگ پوائنٹ اور فلڈ ریلیف کیمپس کا دورہ کیا۔صوبائی وزیر نے ریسکیو کیمپس کا دورہ کیا اور امدادی کارروائیوں پر بریفنگ لی ۔ایڈیشنل ڈپٹی کمشنر ریونیو محمد ابو بکر اور ایکسیئن اریگیشن نے سیلابی صورتحال پر بریفننگ دی-خواجہ سلمان رفیق نے ضلعی افسران اور محکموں کو امدادی کارروائیوں پر شاباش دی-خواجہ سلمان رفیق نے کہا کہ وزیراعلی پنجاب مریم نواز شریف کی مثالی قیادت سے نقصانات میں کمی کی کوشش کی جارہی ہے-انہوںنے ہدایت کی کہ سیلاب متاثرین کے انخلاءاور خوراک کی فراہمی کو یقینی بنایا جائے-متاثرہ علاقہ جات میں ریلیف کیمپوں اور طبی سہولتوں پر کوئی سمجھوتہ نہیں کیا جائے گا-سانپ کاٹنے کی ویکسین و دیگر ادویات کی دستیابی کو ہر کیمپ میں یقینی بنایا جائے-وزیر صحت خواجہ سلمان رفیق نے انتظامیہ اور پولیس کے اقدامات پر اطمینان کا اظہارکرتے ہوئے کہا کہ حکومت پنجاب مشکل وقت میں عوام کے ساتھ کھڑی ہے-وقت مشکل ہے لیکن عوام کا حوصلہ قابل دید ہے-خواجہ سلمان رفیق نے کہا کہ سیلاب متاثرین کو سہولیات کی فراہمی کیلئے تمام تر وسائل بروئے کار لائے جا رہے ہیں-ہیڈ تریموں سے 5 لاکھ کیوسک کا ریلا ملتان پہنچ رہا ہے-ہیڈ محمد والا بریچننگ کیلئے ضلعی انتظامیہ کو مکمل اختیار دیا گیا ہے-انہوںنے کہا کہ شہریوں کو ریلیف دینے پر ضلعی محکموں اور ریسکیورز کو شاباش دیتے ہیں-سیلاب متاثرین تک کھانا، صاف پانی اور ادویات کی فراہم کو یقینی بنایا جارہا ہے-جانوروں کیلئے ونڈہ اور چارے سمیت ویکسینیشن کا مکمل سٹاک موجود ہے-ہسپتالوں ہنگامی صورتحال میں مریضوں کی سہولت کی خاطر الرٹ ہیں-