گوجرانوالہ میں منشیات فروشوں کے خلاف سخت کاروائیاں

گوجرانوالہ (8ستمبر 2025ء)سٹی پولیس آفیسرمحمد ایازسلیم نے ضلع بھر میں منشیات فروشوں کے خلاف سخت کاروائیاں کرنے کے احکامات جاری کر رکھے ہیں ۔انہی احکامات کے پیش نظرایس ڈی پی اوپیپلزکالونی نیازخان کی زیرنگرانی ایس ایچ اوتھانہ صدرگوجرانوالہ انسپکٹر قیصر عباس ،انچارج چوکی فرانسس آبادسب انسپکٹر ذیشان مزمل و دیگران پر مشتمل پولیس ٹیموں نے دوران گشت و ناکہ بندی اور تلاش بد رویہ گان اعلیٰ کارکردگی کا مظاہرہ کرتے ہوئےخاتون سمیت تین منشیات فروشوں کو گرفتارکرلیا ۔منشیات فروش طیب کے قبضہ سے چارکلو پانچ سوگرام چرس ،تین سوگرام آئس ،ایک کلو پانچ سوبیس گرام ہیروئن اورنقدی ،خاتون منشیات فروش کے قبضہ سے ایک کلو پانچ سو بیس گرام ہیروئن جبکہ منشیا ت فروش ریاست کے قبضہ سے ایک کلو تین سو گرام ہیروئن برآمد کرلی ۔دوران تفتیش ملزمان نے انکشاف کیا کہ وہ دوسرے اضلاع سے منشیات لاتے اورضلع بھر میں فروخت کرتے تھے ۔ ملزمان سے مزید تفتیش جاری ہے ۔ سماجی و سیاسی تنظیموں اور علاقے کے مکینوں کا پولیس کو خراج تحسین۔ اس موقع پرسٹی پولیس آفیسر محمدایازسلیم نے کہا ہے کہ نوجوان نسل کے محفوظ مستقبل کیلئے منشیات فروشوں کے گرد گھیر ا تنگ کرنا ناگزیر ہے۔سی پی او نے اعلیٰ کارکردگی کا مظاہر ہ کرنے پر ایس ایچ اوتھانہ صدرگوجرانوالہ انسپکٹر قیصر عباس،سب انسپکٹر ذیشان مزمل اور انکی پولیس کی ٹیموں کو شاباش دی۔