سوہدرہ:ملزم کے قبضہ سے 10کلو گرام چرس برآمد۔ مقدمہ درج

گوجرانوالہ (رانا عبدالغفار خاں )سٹی پولیس آفیسر محمد ایاز سلیم نے ضلع بھر میں منشیات فروشوں کے خلاف سخت کاروائیاں کرنے کے احکامات جاری کر رکھے ہیں ۔انہی احکامات کے پیش نظر ایس پی صدر مرزا بلال حسن کی زیر قیادت، ڈی ایس پی وزیرآباد عبدالحمید ورک کی ہدایت پر ایس ایچ او تھانہ سوہدرہ سب انسپکٹر مختار احمد باجوہ و دیگران پر مشتمل پولیس ٹیموں نے دوران گشت و ناکہ بندی اور تلاش بد رویہ گان اعلیٰ کارکردگی کا مظاہرہ کرتے ہوئے بدنام زمانہ سابقہ ریکارڈ یافتہ منشیات فروش قاسم نصیرکو گرفتار کر لیا۔ ملزم کے قبضہ سے دس کلو گرام چرس برآمد کر لی، مقدمہ درج۔ دوران تفتیش ملزم نے انکشاف کیا کہ وہ دوسرے اضلاع سے منشیات لاتا اوروزیرآباد،گوجرانوالہ بھر میں فروخت کرتا تھا۔ملزم سے مزید تفتیش جاری ۔ سماجی و سیاسی تنظیموں اور علاقے کے مکینوں کا پولیس کو خراج تحسین۔ اس موقع پرسٹی پولیس آفیسرمحمد ایاز سلیم نے کہا ہے کہ نوجوان نسل کے محفوظ مستقبل کیلئے منشیات فروشوں کے گرد گھیر ا تنگ کرنا ناگزیر ہے۔سی پی او نے اعلیٰ کارکردگی کا مظاہر ہ کرنے پر ایس ایچ او تھانہ سوہدرہ سب انسپکٹر مختار احمد باجوہ اور انکی پولیس کی ٹیموں کو شاباش دی۔