سردار رمیش سنگھ اروڑہ کی ترک قونصل جنرل سے ملاقات

لاہور (آئی این پی)صوبائی وزیر برائے اقلیتی امور سردار رمیش سنگھ اروڑہ نے اپنے کیمپ آفس میں جمہوریہ ترکی کے قونصل جنرل ڈرمس بیستگ سے ایک اہم ملاقات کی۔ ملاقات کا بنیادی مقصد پاکستان اور ترکی کے درمیان دوطرفہ تعلقات کو مزید مضبوط بنانا تھا، خاص طور پر بین المذاہب مکالمے، ثقافتی تعاون، اور اقلیتی برادریوں کی باہمی حمایت کے ضمن میں۔دونوں رہنماو¿ں نے پاکستان اور ترکی کے درمیان تاریخی، مذہبی اور ثقافتی رشتوں کو خراج تحسین پیش کیا اور عوامی سطح پر تعلقات کو مزید فروغ دینے کے عزم کا اظہار کیا۔ انہوں نے تعلیم، مذہبی سیاحت اور ثقافتی تبادلوں سمیت مختلف شعبہ جات میں باہمی تعاون کو وسعت دینے پر اتفاق کیا۔رمیش سنگھ اروڑہ نے پاکستان کے لیے ترکی کی مستقل حمایت کو سراہا اور مذہبی ہم آہنگی و رواداری کو فروغ دینے میں ترک حکومت کے کردار کی تعریف کی۔ انہوں نے قونصل جنرل کو پنجاب حکومت کی اقلیتوں کے حقوق کے تحفظ اور مساوات، باہمی احترام اور پرامن بقائے باہمی پر مبنی جامع معاشرے کے قیام کے لیے کی جانے والی کاوشوں سے آگاہ کیا۔قونصل جنرل نے وزیراعلیٰ پنجاب مریم نواز شریف کی قیادت میں حکومت پنجاب کی اقلیتوں کے تحفظ اور مذہبی ورثے کے تحفظ کے لیے جاری پالیسیوں کو سراہا۔ انہوں نے ثقافتی ورثے کی بحالی، صلاحیت سازی کے پروگرامز، اور بین المذاہب مکالمے کے فورمز میں تعاون کی خواہش کا اظہار کیا۔دونوں رہنماو¿ں نے اس بات پر اتفاق کیا کہ ثقافتی اور تعلیمی میدانوں میں مضبوط تعاون علاقائی امن و مفاہمت کے فروغ میں اہم کردار ادا کرسکتا ہے۔ ملاقات میں اس بات پر بھی غور کیا گیا کہ بین المذاہب کانفرنسوں کے انعقاد اور مذہبی اسکالرز، سول سوسائٹی رہنماو¿ں اور نوجوان وفود کے تبادلے جیسے مشترکہ منصوبے شروع کیے جائیں۔