شجاع آباد (مظہرتاج قریشی) شجاع آباد اسسٹنٹ کمشنر سیدہ حمیرا شاہ نے پاک آرمی کے آفیسران کے ہمراہ سیلاب متاثرہ علاقوں میں سروے ٹیموں کی نگرانی کے لیے سرپرائز وزٹ کیا
تفصیلات کے مطابق
اس موقع پر انہوں نے دریا کے قریب متاثرہ بستیوں اور سروے ٹیموں کے جاری کام کا تفصیلی جائزہ لیا۔وزٹ کے دوران اسسٹنٹ کمشنر نے متاثرہ عوام سے ملاقات کی، ان کے مسائل سنے اور انہیں حکومت کی جانب سے مکمل تعاون اور ہر ممکن ریلیف کی یقین دہانی کرائی۔ انہوں نے کہا کہ وزیراعلیٰ پنجاب مریم نواز کی ہدایت پر سیلاب متاثرین کے نقصانات کے ازالے کے لیے فیلڈ میں سروے کا عمل شفاف اور تیز رفتاری سے جاری ہے اسسٹنٹ کمشنر نے سروے ٹیموں کو ہدایت کی کہ متاثرہ عوام کے مسائل کے اندراج میں کسی قسم کی کوتاہی برداشت نہیں کی جائے گی اور شفافیت کو ہر حال میں یقینی بنایا جائے۔ انہوں نے متعلقہ محکموں کو متاثرہ عوام کے فوری مسائل حل کرنے کی بھی ہدایت کی.
