لاہور میں تاریخی ڈویلپمنٹ کاپہلا فیز تکمیل کے آخری مراحل میں داخل

لاہور( آئی این پی) صوبائی دارالحکومت لاہور میں تاریخی ڈویلپمنٹ کاپہلا فیز تکمیل کے آخری مراحل میں داخل ہو گیا ۔ لاہور ڈویلپمنٹ پروگرام فیز 1 اور 2 میں اب تک کی پیشرفت بارے رپورٹ جاری کر دی گئی جس کے مطابق ایل ڈی پی فیز 1 کے تحت کل 351 کلومیٹر سیوریج لائن میں سے 349 کلومیٹر مکمل کر لی گئیں،448 کلومیٹر واٹر سپلائی لائن میں سے 441 کلومیٹر مکمل ہو چکی ہے ،واسا کے تحت پہلے فیز کی 365 گلیوں میں سے 364 کا کام مکمل کر لیا گیا۔رپورٹ کے مطابق واسا اور ضلعی انتظامیہ کے تحت فیز 1 کی 1573 گلیوں میں سے 1404 مکمل کر لی گئی ہیں،ایل ڈی پی فیز 2 کے تحت کل 290 کلومیٹر سیوریج لائن میں سے 39 کلومیٹر مکمل کر لی گئی۔ایل ڈی پی فیز 2 کے تحت 310 کلومیٹر واٹر سپلائی لائنز میں سے 25 کلومیٹر مکمل کی گئیں۔ترجمان محکمہ ہاﺅسنگ کے مطابق ایل ڈی پی فیز 1 کے تحت واسا نے 94 فیصد ترقیاتی کام مکمل کر لیا،ایل ڈی پی فیز 2 میں کل 1554 گلیوں کا سیوریج نظام واسا درست کرے گی،واسا کے تحت سیوریج نظام درستگی کے بعد گلیوں کی تعمیر ضلعی انتظامیہ مکمل کرے گی۔ ترجمان کے مطابق وزیر اعلی پنجاب کی ہدایات کے مطابق ایل ڈی پی فیز 1 نومبر میں مکمل کر لیا جائے گا، ایل ڈی پی فیز 2 اگلے سال اپریل تک مکمل کرنے کی ڈیڈ لائن مقرر کی گئی ہے، مون سون سے قبل ترقیاتی کام مکمل کرنے کے احکامات جاری کیے گئے ہیں، ۔ ترجمان کے مطابق ایل ڈی پی فیز 1 میں گلبرگ زونز، راوی زون، نشتر زونز، شالیمارزون، گنج بخش زون اور سمن آباد زون شامل ہیںجبکہ ایل ڈی پی فیز 2 میں واہگہ زونز، عزیز بھٹی زون اور علامہ اقبال زون شامل ہیں۔