پنجاب حکومت نے یوسف رضا گیلانی کے صاحبزادوں سے سکیورٹی واپس لے لی

لاہور( آئی این پی)پنجاب حکومت نے یوسف رضا گیلانی کے صاحبزادوں سے سکیورٹی واپس لے لی۔نجی ٹی وی نے ذرائع کے مطابق حوالے سے کہا ہے کہ علی حیدرگیلانی اور دیگر بھائیوں سے سکیورٹی واپس لی گئی ہے، پنجاب حکومت کے اقدام پر پیپلزپارٹی کے رہنماﺅں نے شدید تحفظات کا اظہار کیا ہے۔ذرائع کے مطابق علی حیدر گیلانی کا کہنا ہے کہ میں کئی سال تک دہشتگردی کا نشانہ رہا ہوں، میری جان کواب بھی خطرہ ہے اس کے باوجود سکیوڑتی واپس لیناانتہائی غیر ذمہ دارانہ فیصلہ ہے۔ابھی تک حکومت یا متعلقہ اداروں کی جانب سے اس فیصلے کی باضابطہ وضاحت سامنے نہیں آئی۔