کراچی میں8 روز کے دوران خلاف ورزیوں پر 25 کروڑ جرمانہ

کراچی(کرائمز پوائنٹ ڈاٹ کام )کراچی میں ای چالان کے نفاذ بعد 8 روز کے دوران خلاف ورزیوں پر لگ بھگ 25 کروڑ جرمانہ کیے گئے۔ٹریفک پولیس حکام کے مطابق 500 سے زائد شہریوں نے سہولت مراکز پر معافی نامہ جمع کرایا، جبکہ درست ایڈریس نہ ہونے پر 237 چالان واپس لوٹ آئے۔سب سے زیادہ سیٹ بیلٹ پر 16 کروڑ 80 لاکھ 70 ہزار کے ای چالان کیے گئے، ہیلمٹ کے عدم استعمال پر 3 کروڑ 13 لاکھ 50 ہزار، موبائل فون کے استعمال پر 69 لاکھ 15 ہزار، اوور اسپیڈنگ پر 1 کروڑ 95 لاکھ 70 ہزار کے چالان کیے گئے۔ اسی طرح سگنل توڑنے پر 1 کروڑ 21 لاکھ 20 ہزار، ٹینڈر گلاسز ہونے پر 71 لاکھ 75 ہزار، نو پارکنگ پر 7 لاکھ 85 ہزار کے جرمانے ہوئے ہیں۔ٹریفک حکام کے مطابق سرکاری گاڑیوں اور ہیوی ٹریفک کو بھی نئے نظام کے تحت کوئی رعایت نہیں مل رہی، ڈمپر، ٹرک، بس اور واٹر ٹینکر سمیت دیگر بڑی گاڑیوں کو بھی اب تک 533 چالان اور بھاری جرمانے ہوچکے ہیں۔