شاہدرہ، نشترکالونی میں لڑکی سمیت 2 افراد کی خودکشی

لاہور(کر ائم رپورٹر)شاہدرہ کے علاقہ معراج پارک میں 30سالہ شخص اور نشترکالونی میں 25 سالہ لڑکی نے خود کشی کرلی تفصیلات کے مطابق 30 سالہ محمد بلال نے نامعلوم وجوہات پر سر میں گولی مار کر اپنی زندگی کا خاتمہ کیا پولیس کی قانونی کارروائی کے بعد لاش کو پوسٹمارٹم کیلئے مردہ خانے منتقل کر دیا گیا۔دوسری جانب خودکشی کا واقعہ نشتر کالونی میں پیش آیا جہاں گھریلو ناچاقی سے تنگ آکر 25 سالہ شائستہ نے تیزاب پی لیا حالت بگڑنے پر اسے ہسپتال منتقل کیا گیا لیکن وہ جانبر نہ ہو سکی۔ پولیس نے بتایاکہ لڑکی کے اہل خانہ نے اس کی موت پر بات کرنے سے گریزکیا جبکہ پولیس نے لاش تحویل میں لے کر قانونی کارروائی شروع کر دی ۔