قصور:7منشیات سمگلر گرفتار ہیروئن، جدید ڈرون ،بیٹریاں ، شراب برآمد

قصور(بیورورپورٹ )ڈی پی اوقصورکی ہدایت پر ڈی ایس پی سٹی سرکل اور ایس ایچ او تھانہ بی ڈویژن قصور کی بڑی کارروائی،قصوربائی پاس کے قریب منشیات اور شراب سپلائی میں ملوث3سمگلرز سمیت 7 ملزموں کو گرفتارکرکے قبضہ سے ایک کروڑ روپے مالیت کی وائٹ کرسٹل ہیروئن، 50 لاکھ روپے مالیت کا جدید ڈرون اور 28 لاکھ مالیت کی 14 بیٹریاں ۔۔۔شراب کی95بوتلیں برآمد کرلی گئیں۔ گرفتار ملزمو ں کی شناخت روہیوال کے رہائشی رمضان عرف جانی، عرفان اور ماڈل ٹاؤن لاہور کے رہائشی ایاز کے ناموں سے ہوئی ہے ۔ پولیس کا کہنا کہ گرفتار ملزم سرحدی علاقوں میں منشیات کی ترسیل میں سرگرم تھے ۔ علاوہ ازیں ولایتی شراب کی سپلائی میں ملوث 4 ملزموں عرفان، لطیف، شاداب اور شاہزیب کو بھی گرفتار کرکے قبضے سے 95 بوتلیں شراب برآمد کرکے الگ الگ مقدمات درج کر لیے گئے ۔