ملازمین کے مسائل حل کرنا ہماری ذمہ داری اوراولین ترجیح ہے:ملک عامر

رحیم یارخان(نامہ نگار ) سرکاری ملازمین کے مسائل حل کرنا ہماری ذمہ داری اوراولین ترجیح ہے‘ کلریکل سٹاف اوردرجہ چہارم ملازمین کی پروموشن اورریگولزایشن کاکام مکمل ہوچکا ہے‘ جلدخوشخبری ملے گی‘ ملازمین اداروں کی بہتری کیلئے اپنے فرائض محنت‘ لگن اور دیاتنداری سے سرانجام دیں۔ ان خیالات کا اظہار چیف ایگزیکٹوآفیسر محکمہ تعلیم ملک محمدعامر نے اپنے دفتر میں آل پاکستان کلرکس ایسوسی ایشن وآل گورنمنٹ ایمپلائز گرینڈالائنس اوراپیکا محکمہ تعلیم یونٹ کے ضلعی صدر محبوب خان کی زیرقیادت ملاقات کرنیوالے وفد سے گفتگو کرتے ہوئے کیا۔ وفد میں محمدعامرخان‘ گلزاراعوان‘ ارشدعباس‘ حسنین شاہ‘ یعقوب بڈانی‘ ذاکرالرحمن ودیگر شامل تھے۔قبل ازیں وفد کے شرکاء نے سی ای او ایجوکیشن ملک محمدعامر کو ملازمین کودرپیش مسائل سے آگاہ کیا جس پر سی ای او ایجوکیشن نے وفد کو یقین دہانی کرائی کہ ملازمین کے تمام مسائل ترجیحی بنیادوں پر حل کئے جائیں گے۔