مسائل کے حل کیلئے فوکل پرسز کی تعیناتی نا گزیر ہے’شہزاد بھٹی

لاہور( بیورورپورٹ ) آل پاکستان انجمن تاجران کے مرکزی شہزاد اشرف بھٹی نے کہا ہے کہ تاجروں کے دیرینہ مسائل کے حل اور ان سے مضبوط روابط کیلئے فوکل پرسز کی تعیناتی نا گزیر ہے ،ترقیاتی منصوبوں میں کسی بھی تجارتی مرکز کے متاثر ہونے کے حوالے سے پیشگی مشاورت اور تاجروں کے کاروبار کے حجم اور آئندہ کی مشکلات کو پیش نظر رکھتے ہوئے ازالہ کیا جانا چاہیے ۔ اپنے بیان میں انہوںنے کہا کہ وزیر اعلیٰ پنجاب مریم نواز شریف نے خود کو متحرک وزیر اعلیٰ ثابت کیا ہے ، ان کے دور میں شروع ہونے والے منصوبوںکے نتائج بھی سامنے آرہے ہیں۔ انہوں نے کہا کہ کچھ مسائل ایسے ہیں جنہیں نظر انداز کیا جارہا ہے اس کے لئے با اختیار فوکل پرسنز کی تعیناتی ہونی چاہیے جس سے تاجروں کے تحفظات دور کرنے میں مدد ملے گی ۔انہوں نے کہا کہ خصوصاً یوٹیلٹی بلز اور ٹیکسیشن کے معاملات میں تاجرشدید مشکلات کا شکار ہیں جن کا حل تلاش کیا جانا چاہیے ۔