4 ماہ قبل گھر میں چوری کی واردات کرنے والا شخص گرفتار

راولپنڈی (کرائمز پوائنٹ ڈاٹ کام )تھانہ کلر سیداں پولیس کی ایک کارروائی کے دوران 4 ماہ قبل گھر میں چوری کی واردات کرنے والا شخص گرفتار کر لیا گیا،60 لاکھ 50 ہزار روپے مالیتی مسروقہ طلائی زیورات و رقم برآمد،زیر حراست شخص سے 48 لاکھ روپے مالیتی طلائی زیورات اور زیورات کی فروخت سے حاصل ہونے والی رقم 12 لاکھ 50 ہزار روپے برآمد ہوئی۔تفصیلات کے مطابق تھانہ کلر سیداں پولیس نے کارروائی کرتے ہوئے4 ماہ قبل گھر میں چوری کی واردات کرنے والے شخص کو گرفتارکرلیا،60 لاکھ 50 ہزار روپے مالیتی مسروقہ طلائی زیورات و رقم برآمدہوئی،زیر حراست شخص سے 48 لاکھ روپے مالیتی طلائی زیورات اور زیورات کی فروخت سے حاصل ہونے والی رقم 12 لاکھ 50 ہزار روپے برآمد ہوئی،زیر حراست شخص کا مدعی کے گھر آنا جانا تھا جس نے موقعے کا فائدہ اٹھا کر گھر سے طلائی زیورات چرائے تھے،کلرسیداں پولیس نے ٹیکنیکل و ہیومن انٹیلی جنس ذرائع بروئے کار لاتے ہوئے گرفتار کیا،زیر حراست کے انکشاف و نشاندہی پر مسروقہ طلائی زیورات و رقم برآمد کی گئی،ایس پی صدر محمد نبیل کھوکھر کاکہنا تھا کہ زیر حراست شخص کو ٹھوس شواہد کے ساتھ چالان عدالت کیا جائے گا۔