ڈیڑھ کلو سے زائد چرس اور55لیٹر شراب برآمد

راولپنڈی(کرائمز پوائنٹ ڈاٹ کام )راولپنڈی پولیس کی جاری کارروائیوں کے دوران 6افرادکو حراست میں لے کرڈیڑھ کلو سے زائد چرس اور55لیٹر شراب برآمد کرلی۔تفصیلات کے مطابق تھانہ نیوٹاؤن پولیس نے دو افراد کوحراست میں لے1کلو830گرام چرس اور 5لیٹر شراب برآمد کی، سول لائنز نے ایک فرد کو حراست میں لے کر 20لیٹر شراب برآمد کی، بنی پولیس نے ایک فرد کوحراست میں لے کر 15لیٹر شراب برآمد کی، پیرودہائی پولیس نے ایک فرد کوحراست میں لے کر 10لیٹر شراب برآمد کی، ویسٹریج پولیس نے ایک فرد کوحراست میں لے کر 05لیٹر شراب برآمد کرکے الگ الگ مقدمات درج کرلیے،ڈویژنل ایس پیز کا کہنا تھا کہ منشیات کے ناسور کے خاتمے تک کریک ڈاؤن جاری رہے گا۔