عطائیوں کے خلاف کریک ڈائون ،3کلینکس سیل، 1کو وارننگ جاری

کھاریاں(کرائمز پوائنٹ ڈاٹ کام )جعلی عطائیوںکیخلاف کریک ڈائون کے دوران 3کلینکس سیل، 1کو وارننگ جاری کردی گئی۔ تفصیلات کے مطابق ڈپٹی کمشنر نورالعین کی ہدایت پر ڈسٹرکٹ ہیلتھ اتھارٹی نے انسدادِ عطائیت کی کارروائیاں کرتے ہوئے تین غیر قانونی کلینکس سیل کر دیے جبکہ ایک کو سخت تنبیہ جاری کی گئی شِفا ہومیو کلینک اور عمران ہومیو کلینک پر آئی اور ڈینٹل پریکٹس کے شواہد ملنے پر فوری کارروائی کی گئی۔ ڈنگہ روڈ پر واقع کرن میٹرنٹی ہوم بھی ماضی میں سیل ہو چکا تھا مگر دوبارہ غیرقانونی او پی ڈی چلانے پر دوبارہ سیل کر دیا گیا۔ تمام کیسز PHC پنجاب کو بھجوا دیے گئیدانتوں کے علاج کے ایک کلینک میں جراثیم کش آلات اور صفائی کے ناقص انتظامات پر سخت وارننگ دی گئی۔ دیگر دو مراکز میں تربیت یافتہ عملہ موجود پایا گیا۔