لاہور (کر ائم رپو رٹر) سی سی پی او بلال صدیق کمیانہ نے کہا ہے کہ محکمہ پولیس میں کرپشن کسی صورت برداشت نہیں کی جائے گی، شکایت موصول ہونے پر فوری ایکشن ہوگا۔ان خیالات کا اظہار انہوں نے کیپٹل سٹی پولیس ہیڈ کوارٹرز میں اقبال ٹا6ن اور صدر ڈویژنز کی کارکردگی کے حوالے سے منعقدہ جائزہ اجلاس کی صدارت کرتے ہوئے کیا اجلاس میں کرائم کنٹرول، تفتیشی معیار اور دیگر پیشہ ورانہ امور کا تفصیلی جائزہ لیا گیا۔ سی سی پی او لاہور نے کرائم کنٹرول پر اطمینان کا اظہار کرتے ہوئے بابا گرونانک کے جنم دن پر آئے سکھ یاتریوں کی فول پروف سکیورٹی یقینی بنانے کی ہدایات جاری کیں۔ اجلاس میں غیر قانونی طور پر مقیم افغان باشندوں کے انخلا ء سمیت مختلف امورپر بھی غورو خوض کیا گیا۔بلال صدیق کمیانہ نے متعلقہ حکام کو غیر قانونی طور پر مقیم افغان باشندوں کے خلاف کریک ڈاؤن مزید تیز کرنے کی ہدایات جاری کرتے ہوئے کہا کہ غیر قانونی مقیم افراد کو کرائے پر مکان، دکان یا پراپرٹی دینے والوں کے خلاف فوری کارروائی عمل میں لائی جائے۔
سی سی پی او لاہور نے کرایہ داری اور لا6ڈ اسپیکر ایکٹ پر سختی سے عملدرآمد یقینی بنانے کی ہدایت کرتے ہوئے کہا کہ نفرت انگیز مواد کی تشہیر پر قانون فوری حرکت میں آئے گا۔سی سی پی او لاہور نے کہا کہ ہوائی فائرنگ، ون ویلنگ اور دیگر خلافِ قانون سرگرمیوں میں ملوث عناصر کے خلاف بلاامتیاز کارروائی کی جائے۔ بلال صدیق کمیانہ نے کہا کہ شادی بیاہ کی تقریبات میں ہوائی فائرنگ کی صورت میں میزبان جوابدہ ہو گا۔ انہوں نے ہدایت کی کہ ہوائی فائرنگ کے نقصانات سے متعلق عوامی آگاہی کے لیے مساجد سے اعلانات کرائے جائیں۔انہوں نے افسران پر زور دیا کہ وہ شہریوں کو فوری ریلیف اور انصاف کی فراہمی کے لیے م6ثر کردار ادا کریں۔اجلاس میں ڈی آئی جی (ایڈمن) عمران کشور، ڈی آئی جی (انوسٹی گیشن) ذیشان رضا، ڈی آئی جی (آپریشنز) فیصل کامران، ایس ایس پی (انوسٹی گیشن) محمد نوید، ایس ایس پی (آپریشنز) تصور اقبال، ایس ایس پی (ڈسپلن) حسن جاوید بھٹی، اقبال ٹا6ن اور صدر ڈویژنز کے ایس پیز، اے ایس پیز، سرکل افسران، ایس ایچ اوز اور انچارجز (انوسٹی گیشن) نے شرکت کی۔
