اڈیالہ جیل کا قیدی عمران اسماعیل دم توڑ گیا

راولپنڈی (نامہ نگار )اڈیالہ جیل کا قیدی عمران اسماعیل دم توڑ گیا، اسے طبیعت ناسازی کی بنا پر ڈسٹرکٹ ہیڈ کوارٹر ہسپتال منتقل کیا گیا تھا۔میڈیا رپورٹ کے مطابق راولپنڈی کی اڈیالہ جیل میں قید عمران اسماعیل نامی قیدی ڈسٹرکٹ ہیڈ کوارٹر ہسپتال میں دم توڑ گیا ہے۔ عمران اسماعیل کو طبیعت ناسازی کی بنا پر ہسپتال منتقل کیا گیا تھا، جہاں وہ دورانِ علاج چل بسا۔جیل ذرائع کے مطابق عمران اسماعیل کے خلاف تھانہ واہ کینٹ میں مقدمہ درج تھا۔