ڈسکہ و گردو نواح میں تنور مالکان اکڑ گئے ، حکومتی احکامات ہوا

ڈسکہ(عشرت انصاری) ڈسکہ و گردو نواح میں تنور مالکان کا روٹی کی قیمت کم کرنے سے انکار،انتظامیہ کی چشم پوشی کے باعث حکومتی ریلیف عوام تک نہ پہنچ سکا، نان بائیوں اور تنور مالکان نے نرخ کم کرنے سے انکار کر دیا۔ بتایا گیا کہ ڈسکہ شہر اور گردونواح میں آٹا کی قیمتوں میں نمایاں کمی واقع ہو چکی ہے لیکن شہر کی چند بڑی دکانوں پر آٹا گورنمنٹ ریٹ پر ہی میسر ہے لیکن محلوں میں قائم سیل سینٹروں پر آٹا بارہ سے تیرہ سوروپے میں فی دس کلوگرام فروخت ہورہا ہے، دوسری طرف تنور اور نان بائی کی دکانوں پر روٹی 20 روپے اور نان 30 روپے کی سابق قیمتوں پر ہی فروخت کئے جا رہے ہیں، جب اس سلسلہ میں تنور اور نان بائی مالکان سے بات کی تو انہیں نے بتایا مہنگی گیس، بڑھتے ہوئے دکانوں کے کرائے اور کاریگروں کی مزدوری شامل کر کے روٹی 20 روپے اور نان 30 روپے سے کم قیمت پر فروخت کرنے سے انہیں کچھ نہیں بچتا۔