خطرناک اشتہاری مجرم کی گرفتاری پر لواحقین کا پولیس پارٹی پر حملہ

شیر گڑھ (نامہ نگار) خطرناک اشتہاری مجرم کی گرفتاری پر لواحقین کا پولیس پارٹی پر حملہ کانسٹیبل محسن زخمی،پولیس ملازمین کی وردیاں پھٹ گئیں،گاڑی کے شیشے اور بونٹ بھی توڑ کر مجرم اشتہاری کو چھڑواکر فرار،مقدمہ درج؛رپورٹ کیمطابق غازی اختر خان انسپکٹرSHO شیر گڑھ کو مخبر خاص نے اطلاع دی کہ مفرور خطرناک اشتہاری ریکارڈ یافتہ ملزم اکبر عرف حق نوا ز اپنی محبوبہ کو ملنے کیلئے 26/D کے قریب ایک ڈھاری پر موجود ہے فوری ریڈ پر گرفتاری ممکن ہے اس اطلاع پر شاہد علی خاں غوری سب انسپکٹر کی سربراہی میں ریڈنگ پارٹی تشکیل دی گئی جنھوں نے بھیس بدل کر کامیاب ریڈ کیا اور سابقہ ریکارڈ یافتہ خطرناک اشتہاری ملزم اکبر عرف حق نواز کو گرفتار کرلیا پولیس پارٹی ملزم کو لیکر واپس آرہی تھی کی ویرانے میں اشتہاری کے عزیزواقارب عابد علی اور محمد علی 20/25 نامعلوم ملزمان آتشین اسلحہ اور ڈنڈے سوٹے لیکر تھڑا مار کر موجود تھے کہ جنھوں نے پولیس پارٹی پر حملہ کردیا اور گاڑی کے شیشے توڑ ڈالے،ٹائر برسٹ کردئیے،پولیس ملازمین کی وردیاں پھاڑ دیں اور پولیس ملازمین کی گھڑی،نقدی مبلغ 17500/ ِ،گولڈ طلائی چین مالیتی2 لاکھ،چھین لئے اور پولیس پارٹی کو یرغمال بنا کرریکارڈ یافتہ خطرناک اشتہاری ملزم اکبر عرف حق نواز کو پولیس سے زبردستی چھڑوا کر فرار کروادیا اس اطلاع پر مہر محمد یوسف DSP اور غازی اختر خان انسپکٹر SHO شیر گڑھ،مع ایلیٹ فورس موقع پر پہنچ گئے اور علاقہ بھر کی ناکہ بندی کرلی اور ٹیمیں تشکیل دیکر ملزمان کی گرفتاری روانہ کردی ہیں پولیس نے ملزمان کیخلاف اقدام قتل،اور کار سرکار میں مداخلت کرنے سمیت متعدد دیگر دفعات کے تحت مقدمہ نمبری746/24 در ج کرلیا ہے۔